open video

İdarə Heyəti

Səhmdarların Ümumi Yığıncağı, Bankın fəaliyyətini idarə etmək məqsədilə bankın kollegial idarəetmə orqanı qismində İdarə Heyəti Şurasını seçir. Bankın İdarə Heyəti, Səhmdarların Ümumi Yığıncağı və Müşahidə Şurası tərəfindən təyin edilən bankın məqsədlərinin, strategiyasının və siyasətinin həyata keçirilməsinə cavabdehdir.

 

ANAR HƏSƏNOV

İdarə Heyətinin Sədri və Baş Menecer (CEO).

Anar Həsənov AccessBank-da öz fəaliyyətini 2002-ci ilin sentyabr ayında mikrokreditləşmə üzrə mütəxəssis vəzifəsində başlayıb, daha sonra Baş Kredit Mütəxəssisi vəzifəsinədək yüksəlib və yeni yaradılmış KOB Departamentinə keçirilib. O, 2006-cı ilin iyul ayında Pərakəndə Bankçılıq Departamentinin Rəhbəri vəzifəsinə, 2007-ci ilin sentyabr ayında isə, İdarə Heyətinə üzvü seçilib. A.Həsənov, 2013-cü ilin sentyabr ayından AccessBank-ın İdarə Heyətinin sədr müavini, 2017-ci ildən isə, İdarə Heyətinin sədrinin 1-ci müavini və Baş Əməliyyat İnzibatçısı (COO) vəzifəsinə təyin olunub. 2018-ci ilin iyun ayından İdarə Heyətinin Sədri və Baş Menecer vəzifələrində çalışır.

O, İstanbul Universitetinin İqtisadiyyat fakültəsinin “Maliyyə” bölümündə təhsil alıb, Azərbaycan Dövlət İqtisad Universitetində "Bank işi və kredit" ixtisası üzrə maqistr dərəcəsinə yiyələnib. A.Həsənov həmçinin, Pensilvaniya Universiteti nəzdində “Ali Bank Məktəbi”ni bitirib. Azərbaycan, rus və ingilis dillərini bilir..

TARİYEL İSMAYILOV

İdarə Heyəti Sədrinin Müavini və Baş Biznes İnzibatçısı (CBO)

Tariyel İsmayılov AccessBank-da öz fəaliyyətini 2004-cü ilin may ayında Mikrokreditləşmə üzrə mütəxəssis vəzifəsində başlayıb, daha sonra 2006-cı ildə filial rəhbəri vəzifəsinədək yüksəlib. T.İsmayılov, 2008-ci ildə Mikrokreditləşmə Departamentinin Rəhbəri vəzifəsinə təyin olunub, həmçinin, qərb regionunun Regional Meneceri vəzifəsində çalışıb. 2013-cü ilin sentyabr ayında O, Mikrokreditləşmə və Kredit Bək Ofis üzrə İcraçı Direktor vəzifəsinə, 2017-ci ilin aprel ayından etibarən isə, İdarə Heyətinin sədr müavini və Baş Biznes İnzibatçısı vəzifəsinə təyin olunub. T. İsmayılov, həmçinin, Azərbaycan Banklar Assosiasiyasının “Kredit işi və Risk üzrə” ekspert qrupunun sədridir. O, “İqtisadiyyat və Hüquq” ixtisası üzrə maqistraturanı bitirib və hal-hazırda “Sahibkarlığa dövlət yardımının iqtisadi mexanizminin təkmilləşdirilməsi” mövzusunda elmi iş üzərində işləyir. Azərbaycan, rus və ingilis dillərini bilir.

ALBREXT SABELUS

İdarə Heyəti Sədrinin Müavini/Baş Maliyyə İnzibatçısı(CFO)

Albrext Sabelus AccessBank-a 2017-ci ilin aprel ayından etibarən qoşulub və elə həmin ilin dekabr ayında İdarə Heyətinə üzv seçilib. AccessBank-da çalışmazdan əvvəl o, 20 ildən artıq bir müddətdə Almaniyanın və İsveçin qlobal miqyasda fəaliyyət göstərən WestLB və SEB banklarında maliyyə, risk idarəçiliyi və əməliyyatlar sahəsində çalışıb. Ümumilikdə, 12 il ərzində o, WestLB bankının Şanxaydakı, Honq-Konqdakı, Tokiodakı və Moskvadakı ofislərində COO/CFO vəzifəsində fəaliyyət göstərib. Albrext Sabelus Almaniyanın Münster Universitetini biznes administrasiyası ixtisası üzrə bitirib. Milliyyətcə almandır. Alman, ingilis və rus dillərini mükəmməl bilir. .

 

İcraçı Direktorlar

ELŞƏN PİRMALIYEV

Biznes və Pərakəndə müştərilər üzrə İcraçı Direktor

Elşən Pirmalıyev AccessBank-da öz fəaliyyətini 2005-ci ilin aprel ayında Mikrokreditləşmə üzrə mütəxəssis vəzifəsində başlayıb. Sonradan Baş Kredit Mütəxəssisi vəzifəsinədək yüksəlmiş, bir müddət Filial Rəhbərinin Müavini vəzifəsində çalışmışdır. 2009-cu ildən etibarən banкda yeni yaradılmış “Biznes Kreditləri üzrə Təlim Mərkəzi”-nə rəhbərlik etmişdir. 2013-cü ildən isə Mikro Kreditlər üzrə Departament Rəhbərinin Müavini vəzifəsində fəaliyyətini davam etdirmişdir. 2017-ci ilin may ayında Biznes və Pərakəndə müştərilər üzrə İcraçı Direktor vəzifəsinə təyin olunub. E.Pirmalıyev Azərbaycan Kooperasiya Universitetininin “Mühasibat uçotu və audit” ixtisası üzrə bakalavr və magistr dərəcəsini alıb. Azərbaycan, rus və ingilis dillərini bilir.

SƏBİNƏ QURBANOVA

Rəqəmsal Bankçılıq üzrə İcraçı Direktor

Səbinə Qurbanova AccessBank-da öz fəaliyyətini 2005-ci ilin noyabr ayında Mikrokreditləşmə üzrə kiçik mütəxəssis vəzifəsində başlayıb. 2006-cı ilin may ayından Müştəri Xidmətləri Şöbəsinə keçərək burada Baş mütəxəssis vəzifəsinədək yüksəlmişdir. 2009-cu ilin may ayından İnkişaf və Metodologiya Departamentinin rəhbəri, 2013-cü ilin yanvar ayından isə, Bankçılıq Xidmətlərinin rəhbəri vəzifəsində çalışmışdır. S.Qurbanova 2017-ci ilin may ayında Rəqəmsal Bankçılıq üzrə İcraçı Direktor vəzifəsinə təyin olunub. Bu vəzifədə rəqəmsal bankçılıq, ödəniş kartları, əmanət biznesinin inkişafı və müştərilərlə əlaqə mərkəzinin işinin təşkili onun səlahiyyətlərinə daxil olan istiqamətlərdir. Səbinə Qurbanova Azərbaycan Respublikasinin Prezidenti Yanında Dövlət Idarəçilik Akademiyasında “İnzibati İdarəetmə” ixtisası üzrə bakalavr təhsili almış, Azərbaycan Dövlət İqtisad Universitetində “İqtisadiyyatın hüquqi tənzimlənməsi” ixtisası üzrə magistr dərəcəsi almışdır. Azərbaycan, rus və ingilis dillərini bilir. 

NİZAMİ QƏDİROV

Risklərin İdarəedilməsi üzrə İcraçı Direktor

Nizami Qədirov AccessBank-da öz fəaliyyətini 2004-cü ilin may ayında Mikrokreditləşmə üzrə mütəxəssis vəzifəsində başlayıb, daha sonra KOBK Departamentinə keçirilib. N.Qədirov, 2006-cı ildə filial rəhbəri, 2008-ci ildən isə, Risk İdarəçiliyi Departamentinin rəhbəri vəzifəsində çalışıb. O, həmçinin, monitorinq və problemli kreditlər şöbəsinə rəhbərlik edib. N.Qədirov 2017-ci ilin may ayından Risk İdarəçiliyi üzrə İcraçı Direktor vəzifəsinə təyin olunub. O, Azərbaycan Dövlət İqtisad Universitetində «Maliyyə və Kredit» ixtisası üzrə təhsil alıb, «Xəzər» Universitetini «МВА in International Business» sahəsi üzrə bitirib və «Advanced Banking Risk Program» üzrə GARP şəhadətnaməsi alıb. Azərbaycan, rus və ingilis dillərini bilir.

ELŞƏN HACIYEV

Maliyyə Nəzarəti və Mühasibat üzrə İcraçı Direktor

Elşən Hacıyev AccessBank-da çalışmazdan əvvəl, 6 il HSBC Bankının Bakı ofisində Maliyyə Nəzarəti üzrə Rəhbər vəzifəsində, eləcə də Azərbaycan Sənaye-İnvestisiya Bankında və Moskva şəhərində “Menatep” Bankında çalışıb. AccessBank-da öz fəaliyyətini 2002-ci ilin oktyabr ayında Maliyyə və Mühasibatlıq Departamentinin rəhbəri vəzifəsində başlayıb. O, 2013-cü ildə Maliyyə Nəzarəti üzrə İcraçı Direktor vəzifəsinə təyin olunub. E.Hacıyev Moskvada Avtomobil Yolları İnstitutunda “Avtomobil nəqliyyatının iqtisadiyyatı və təşkili” ixtisası üzrə təhsil alıb. O, həmçinin Böyük Britaniyanın Maliyyə Xidmətləri İnsitutunun “Maliyyə xidmətlərinin idarəolunması” üzrə diplomuna malikdir. Azərbaycan, rus və ingilis dillərini bilir.

 

Haqqımızda

KREDİT KALKULYATORU
KREDİT SİFARİŞİ
25.06.2018
NAĞD NAĞDSIZ
ALIŞ
$ USD 1,6970
€ EUR 1,9350
£ GBP -
₽ RUB -
SATIŞ
1,7025
1,9942
-
-

Mükafatlar

AccessBank-ın təltif olunduğu mukafatlarla burada tanış ola bilərsiniz.

Müraciət

Şikayət və ya təkliflərinizlə bizimlə bölüşmək üçün bu səhifəyə daxil olun

Xəbərlər arxivi

Bu səhifədə Siz, Bankın xəbərləri ilə tanış ola bilərsiniz.

KİV-Mərkəzi

Burada Siz yeniliklər, reklam xarakterli məlumatlar və digər materiallarla tanış ola bilərsiniz.

Vakansiyalar

Cari vakansiyalar barədə məlumat almaq üçün elanlarımızı izləyin.

AccessQazanc

Nağdsız ödəniş edərkən pul qazanmaq?!

Ən sərfəli təkliflər və xəbərlər barədə məlumatları birinci almaq istəyirsiniz?
АccessBank-ın yeniliklərinə abunə olun!

Ad və soyad daxil edin!
Düzgün e-mail ünvan daxil edin!
Düzgün e-mail ünvan daxil edin!
Siz uğurla abunə oldunuz!