«AccessBank»
dünyanın 50 ən yaxşı mikromaliyyə institutları sırasındadır.
«AccessBank» MİX tərəfindən tərtib edilən 2008-ci
il üzrə dünyanın ən yaxşı Mikromaliyyə İnstitutları
sıyahısında 41-ci yeri tutdu.
Bakı, 08 yanvar 2009-cu il.
Microfinance İnformation Exchange, Inc. (MIX) özünün
2008 Global 100 Composite hesabatında Azərbaycanın
«AccessBank»ını 41-ci yerə layiq gördü. Bu hesabatda,
MİX tərəfindən 970-dən artıq mikromaliyyə institutu
arasında seçilmiş 100 ən yaxşı mikromaliyyə institutu
göstərilib. Bir il ərzində «AccessBank» öz mövqeyini
17 yer yüksəldərək, MİX-n 2007-ci il üzrə reytinqindəki
58-ci yerdən 41-ci yerə yüksəlib (o zaman bank hələ
AMMB adı altında fəaliyyət göstərirdi – “AccessBank”
adını 2008-ci ilin sentyabrında dəyişdirib).
Bu reytinq Mikromaliyyə İnstitutlarının
çoxtərəfli fəaliyyətinin gəlirliliyinə, effektivliyinə
və şəffaflığına əsaslanır. "Mikromaliyyə İnstitutlarının
fəaliyyət aspektlərinin yaxşılaşdırılması üçün müvafiq
prioritetləri təyin etmək lazımdır – məhz bunun sayəsində
zəruri kompromislərə nail olmaq olar. Məsələn, Mikromaliyyə
İnstitutunun meneceri gəlirin tez bir zamanda əldə
edilməsinə portfelin keyfiyyətinin pisləşməsi hesabına
nail ola bilərmi? Bu cür mürəkkəb məsələlərlə MMİ
hər gün rastlaşır və biz ümid edirik ki, bu hesabat,
uğurlu MMİ-nun necə olduğunu və digər institutların
da necə uğur əldə edə biləcəyini nümayiş etdirəcəkdir»
deyə, MIX Baş Əməliyyat Direktoru Bleyn Stefens bildirib.
«AccessBank»ın Baş Meneceri Endryu
Pospielovski bu hesabatı təqdir edərək deyib: «Bu
reytinq 2007-ci il üzrə məlumatlara əsaslanır – həmin
il AccessBank cəmi 5 il idi ki, fəaliyyət göstərirdi.
Təşkilatımızın, cəmi 5 illik fəaliyyət müddəti ərzində
dünyanın 50 ən yaxşı maliyyə institutları siyahısında
yer tutması çox əhəmiyyətli nailiyyətdir, bizim işçi
kollektivimizin səyinin və qazandığı uğurların bəhrəsidir».
MIX mikromaliyyə sənayesi üzrə biznes
sahəsində aparıcı məlumat xidmətləri təchizatçısıdır.
Fəaliyyətinin şəfafflığının təmin edilməsi sayəsində
mikromaliyyə sektorunu möhkəmlətməklə, MIX mikromaliyyə
institutları və investorlar haqqında, eləcə də bu
sənaye sahəsi ilə əlaqədar xidmət şəbəkələri və təchizatçıları
barədə müfəssəl biznes və maliyyə məlumatlarını təqdim
edir. MIX, Yoxsullara Yardım üzrə Məsləhət Qrupu tərəfindən
təsis olunmuş qeyri-kommersiya şirkətidir (www.themix.org).
