AccessBank regional filial şəbəkəsini genişləndirir

AccessBank Cəlilabad şəhərində öz yeni filialını açdı.

Bakı, 19 yanvar 2009-cu il. AccessBank Azərbaycanın cənubunda – Cəlilabad şəhərində öz yeni filialını açdı. Bu filialın açılması ilə filial şəbəkəsinin daha da genişlənməsi və «AccessBank»ın filiallarının sayının 21-ə çatması ilə bərabər, məhz regional filial şəbəkəsi genişlənib. «AccessBank»ın filial şəbəkəsi ilbəil daha çox regionu əhatə edir. Bununla bank, paytaxtdan kənarda yaşayan əhali üçün bank məhsullarından istifadə imkanı yaradır, ən əsası isə, regionlarda biznesin inkişafına yardım göstərir. Bu, təsisçilərin bankın qarşısına qoyduğu ən ümdə məqsədlərdən biridir.

Filiallarda həm fiziki, həm də hüquqi şəxs olan müştərilər üçün tam çeşidli xidmətlər göstərilir – bu xidmətlərə beynəlxalq pulköçürmə sistemləri, hesabların və depozitlərin açılması, VİSA plastik kartları, kiçik biznes və istehlak kreditlərinin verilməsi daxildir.

Filialın rəhbəri vəzifəsinə «AccessBank»ın təcrübəli mütəxəssisi, Azərbaycan Milli Bankında attestasiyadan müvəffəqiyyətlə keçmiş Rəhman Əliyev təyin olunub.

«AccessBank»ın Baş Meneceri Endryu Pospilovski yeni filialın açılmasını təqdir edərək bildirib: “Cəlilabadda filialın açılması bankın ümumi strategiyasında atılmış zəruri addımdır – burada məqsəd kiçik biznes üçün, eləcə də bütünlüklə Azərbaycan ərazisində ölkə əhalisinə maliyyə xidmətlərinin göstərilməsindən ibarətdir. Maliyyə xidmətlərindən istifadə olunmasının təmin edilməsi və bütünlüklə Respublikada iqtisadiyyatın qeyri-neft sektorunun inkişaf etdirilməsi bankımızın və səhmdarlarımızın əsas prioritetidir”.