AccessBank-ın mikrokreditləri yeni rekorda imza atır

Fevral ayında AccessBank 20 milyon ABŞ dolları həcmində mikro kredit verib – bu, aylıq rekord hesab olunur.

Bakı, 2 mart 2009-cu il. Bu gün AccessBank, fevral ayında Azərbaycan sahibkarlarına, 20 milyon ABŞ dolları məbləğdə 6,500-dən çox kreditin verildiyini elan etdi. AccessBank-ın tarixində bu, bankın 1 ay ərzində verdiyi mikrokreditlərin ən yüksək miqdar və məbləğ göstəricisidir. Rekord sayda mikrokreditlərə, 4.5 milyon ABŞ dollarından artıq məbləğdə 2,000-dən artıq aqrokredit daxildir ki, bu da yeni aylıq rekorddur. Bu rekordun əldə olunmasına, fevral ayında Gəncə regionunda 900-dən artıq sahibkara kredit verən AccessBank-ın Gəncə filialıın böyük rolu olub. Mikrokreditləşmə vasitəsi ilə AccessBank bütünlüklə Azərbaycanda, xüsusən də regionlarda kiçik müəssisələrin inkişafına böyük töhfə verir və bu yolla yeni iş yerlərin açılmasına və iqtisadiyyatın difersifikasiyasına kömək edir.

Baş Menecer Endryu Pospilovski qazanılmış rekordları təqdir edərək dedi: “Biz məhsullarımıza olan tələbatın rekord həddə olduğunu hiss edirik, çünki dünya maliyyə böhranı səbəbindən bir çox təşkilatlar verdikləri kreditləri məhdudlaşdırmağa məcbur olublar. Biz fəxr edirik ki, bu cür mürəkkəb şəraitdə AccessBank Azərbaycanda kiçik sahibkarlıq nümayəndələrinə zəruri maliyyə yardımı göstərməyə və bununla da ölkədə etibarlı biznes tərəfdaşı olduğunu nümayiş etdirməyə qadirdir”.