AccessBank
özünün daha bir regional filialını açdı
AccessBank Salyan şəhərində özünün yeni filialını
açdı.
Bakı, 2 aprel 2009 il. «AccessBank»
Salyan şəhərində özünün yeni filialını açdı. Bu filialın
açılması ilə filial şəbəkəsi daha da genişləndi və
indi AccessBank filiallarının sayı artıq 22-yə çatdı.
Regionda daha bir filial açmaqla AccessBank, paytaxtdan
kənarda yaşayan əhalinin daha çox hissəsinə bütün
bank xidmətlərindən asanlıqla istifadə etmək, xüsusən
də, biznes-kreditlərin alınması yolu ilə öz sahibkarlıq
fəaliyyətini daha da inkişaf etdirmək üçün əlverişli
imkan yaratdı. Xüsusilə, AccessBank-ın bir çox regional
filialları, əsasən də Gəncə və Şəki şəhərlərində yerləşən
filiallar verilən kreditlərin sayına görə liderdir,
bu isə yerli sahibkarların bankın dəstəyinə ehtiyacı
olmasını bir daha nümayiş etdirir.
AccessBank-ın Baş Meneceri Endryu Pospilovski yeni
filialın açılışını təqdir edərək dedi: «Salyan filialının
açılması bankın ümumi strategiyasında atılan zəruri
addımdır və bu, bütünlüklə Azərbaycan ərazisində ölkə
əhalisinin maliyyə xidmətlərindən istifadəsini asanlaşdırmaq
məqsədi daşıyır. Maliyyə xidmətlərindən istifadə olunmasının
asanlaşdırılması və bütünlüklə respublikada iqtisadiyyatın
qeyri-neft sektorunun inkişaf etdirilməsi Bankımızın
və səhmdarlarımızın əsas prioritetidir.».
Bütün başqa filiallarda olduğu kimi, Salyan filialında
da həm fiziki, həm də hüquqi şəxslər üçün tam çeşidli
xidmətlər göstərilir – buraya hesabların açılması,
depozitlər, VISA plastik kartları, eləcə də həm kiçik,
həm də orta həcmli kreditlərin, istehlak kreditlərinin
verilməsi, çoxsaylı pulköçürmə sistemləri və kassa
əməliyyatları daxildir.
