AccessBank 15 milyon ABŞ dolları məbləğində kredit almaq üçün Beynəlxalq Maliyyə Korporasiyası (IFC) ilə müqavilə imzalayıb.

Bakı, 28 aprel 2009-cu il. AccessBank 15 milyon ABŞ dolları məbləğində kredit almaq üçün IFC ilə müqavilə imzalayıb. Bankın xarici investorlardan əvvəllər aldığı bütün kreditlər kimi, bu uzunmüddətli kredit də kiçik və orta sahibkarlığın maliyyələşdirilməsinə, kreditin bir hissəsi isə aqrokreditləşməyə yönəldiləcək.

AccessBank-ın Baş Meneceri Endryu Pospilovski bu müqavilənin imzalanmasını şərh edərək dedi: «Mürəkkəb iqtisadi şəraitdə IFC tərəfindən Azərbaycanın sahibkarlıq sektorunun daim dəstəklənməsi böyük əhəmiyyət kəsb edir. Bu kredit, həmçinin, regionlardakı sahibkarlara yardım göstərilməsinə imkan yaradacaq. Dünya kapital bazarında mürəkkəb vəziyyətin hökm sürməsinə baxmayaraq, AccessBank yeni resursları uğurla cəlb etməkdə davam edir və təkcə mart ayı ərzində bank 28 milyon ABŞ dolları həcmində sindikasiyalaşdırılmış kreditdən 14 milyon ABŞ dolları məbləğində ilk tranş alıb, eləcə də 5 milyon ABŞ dolları həcmində kreditin alınması ilə əlaqədar OFID Beynəlxalq Maliyyə Fondu (The OPEC Fund for International Development – OPEC nəzdində çalışan Beynəlxalq İnkişaf Fondu) ilə müqavilə bağlayıb.»

Mart ayı ərzində AccessBank 5,500-dən artıq sahibkara kredit verib və hal-hazırda ölkənin hər yerində 50,000-dən artıq sahibkarı maliyyələşdirir.

IFC-nin ümdə missiyası, imkansızların həyat şəraitinin yaxşılaşdırlaşdırılmasına kömək göstərilməsidir. Təşkilat özəl sektora yardım göstərməklə, inkişaf edən ölkələrədə iqtisadiyyatın inkişafına kömək edir. 2008-ci il ərzində İFC-nin investisiyaları 16,2 milyard ABŞ dolları təşkil edib ki, bu da ötən ildəkindən 34% artıqdır.