Müştəri̇ Hüquqlarının Mühafi̇zəsi̇ (MHM) pri̇nsi̇pləri̇
AccessBank-da inanırıq ki, məsuliyyətli bankçılıq etimada, şəffaflığa və müştərilərimizə dərin hörmətə əsaslanır. Məhz buna görə də biz məsuliyyətli maliyyə inklüzivliyi vasitəsilə müştərilərimizin qorunmasına tam sadiqik və məhsullarımızın, xidmətlərimizin və qarşılıqlı əlaqələrimizin hər mərhələdə müştərilərimizin ən yaxşı maraqlarına xidmət etməsini təmin edirik.
Biz anlayırıq ki, hər bir müştəri ilə münasibət sadəcə bir əməliyyat deyil - bu, bir öhdəlikdir. Ədalətə, dürüstlüyə və müştərilərimizin təhlükəsiz və hörmətli mühitdə maliyyə rifahına nail olmasına dəstək vermək öhdəliyi.
Müştəri hüquqlarının qorunmasına yanaşmamız Müştəri Hüquqlarının Mühafizəsi Prinsiplərinə əsaslanır və bu prinsiplər etibarlı maliyyə tərəfdaşından hər bir müştərinin gözləyə biləcəyi minimum standartları müəyyən edir. Bu prinsiplər qlobal ən yaxşı təcrübələri əks etdirir və icmalarımızda fərdlərə, ailələrə və biznes subyektlərinə göstərdiyimiz xidmətlərin mərkəzində dayanır.
MHM-in aşağıda qeyd olunan prinsipləri ilə tanış olun:
Müştərilərin şəxsi və maliyyə məlumatlarının qorunması bizim üçün əsas prioritetdir. Müştəri məlumatları yalnız onların razılığı əsasında və açıq şəkildə müəyyən edilmiş məqsədlər üçün toplanır və istifadə olunur. Sistemlərimiz və proseslərimiz məlumatların istər daxili əməkdaşlar, istər tərəfdaş şirkətlər, istərsə də üçüncü şəxslər tərəfindən sui-istifadə, fırıldaqçılıq və ya icazəsiz girişdən qorunmasını təmin etmək üçün qurulmuşdur.
Təminatçılar tərəfindən məhsulların, xidmətlərin və çatdırılma kanallarının müştərilərə zərər verməyəcək şəkildə hazırlanması və bu xüsusda müştəri xüsusiyyətlərinin və rəylərinin nəzərə alınaraq formalaşması mühüm əhəmiyyət kəsb edir.
HƏDDİNDƏN ARTIQ BORCLANMA
Biz kreditləşmə üzrə öhdəliklərimizə ciddi yanaşırıq. Kredit təqdim edilməzdən əvvəl hər bir müştərinin həddindən artıq borclanmaya düşmədən ödəniş qabiliyyəti qiymətləndirilir. Güclü daxili proseslər vasitəsilə həm fərdi, həm də bazar səviyyəsində həddindən artıq borclanmanın qarşısının alınması üçün tədbirlər görülür (bu çərçivədə Azərbaycan Kredit Bürosu ilə sıx əməkdaşlıq edilir).
Aydın kommunikasiya sağlam bank-müştəri münasibətlərinin əsasını təşkil edir. Qiymətlər, şərtlər, qaydalar və komissiyalar daxil olmaqla bütün müvafiq məlumatlar sadə və asan anlaşılan formada təqdim olunur. Müştərilər maliyyə qərarları qəbul edərkən hər zaman özlərini əmin və məlumatlı hiss etməlidirlər.
MƏSULİYYƏTLİ QİYMƏTLƏNDİRMƏ
Məhsulların qiyməti, müddət və şərtləri elə bir şəkildə təsbit edilməlidir ki, o həm müştərilər üçün münasib qiymətə olsun, həm də maliyyə institutuna davamlılığını təmin etməyə imkan versin. Bu baxımdan, təminatçılar, depozitlər üzrə əlavə mənfəət qazanmağa səy göstərməlidirlər.
Hər bir müştəri ilə qarşılıqlı əlaqə hörmət, ədalət və peşəkarlıq nümayiş etdirmək üçün bir fürsətdir. Hər hansı formada ayrı-seçkilik və ya aqressiv davranış qadağandır. Bütün əməkdaşlarımız və nümayəndələrimiz, xüsusilə kreditlərin verilməsi və borcların yığımı proseslərində, yüksək etik standartlara riayət etmək üçün müvafiq təlimlərdən keçirlər. Korrupsiya, aqressiv və ya təhqiramiz davranışların aşkar edilməsi və aradan qaldırılması üçün lazımi nəzarət mexanizmləri mövcuddur.
Biz narahatlıqların bildirilməsi və ya şikayətlərin təqdim edilməsi üçün əlçatan və operativ kanallar təqdim edirik. Hər bir müraciət vaxtında araşdırılır və daxil olan rəylər xidmətlərimizin, siyasətlərimizin və məhsullarımızın davamlı şəkildə təkmilləşdirilməsi üçün istifadə olunur.